Psa 129 | SwhNEN | STEP | Wimbo wa kwenda juu. Wamenionea mno tangu ujana wangu; Israeli na aseme sasa:

Psalms 129

Maombi Dhidi Ya Adui Za Israeli

Wimbo wa kwenda juu.

1 ^aWamenionea mno tangu ujana wangu;
Israeli na aseme sasa:
2 ^bwamenionea mno tangu ujana wangu,
lakini bado hawajanishinda.
3 ^cWakulima wamelima mgongo wangu,
na kufanya mifereji yao mirefu.
4 ^dLakini Bwana ni mwenye haki;
amenifungua toka kamba za waovu.

5 ^eWale wote waichukiao Sayuni
na warudishwe nyuma kwa aibu.
6 ^fWawe kama majani juu ya paa,
ambayo hunyauka kabla hayajakua;
7 ^gkwa hayo mvunaji hawezi kujaza vitanga vyake,
wala akusanyaye kujaza mikono yake.
8 ^hWale wapitao karibu na wasiseme,
“Baraka ya Bwana iwe juu yako;
tunakubariki katika jina la Bwana.”